ນະໂຍບາຍ ຄວາມເປັນສ່ວນຕົວ
Happy ERP ຄືລະບົບຈັດການຮ້ານຄ້າອອນລາຍ (ອໍເດີ · ສາງ · ແຊັດ · ຂົນສົ່ງ · ລາຍງານ)
ໃຫ້ບໍລິການຢູ່ happyerp.la. ໜ້ານີ້ບອກໃຫ້ຊັດເຈນວ່າເກັບຫຍັງ · ໃຊ້ເຮັດຫຍັງ ·
ສົ່ງໃຫ້ໃຜແດ່ · ເກັບດົນປານໃດ ແລະ ຂໍລຶບໄດ້ແນວໃດ.
ຂໍ້ມູນລູກຄ້າ (ຊື່ · ເບີ · ທີ່ຢູ່ · ຂໍ້ຄວາມ) ເປັນຂອງຮ້ານທີ່ໃຊ້ລະບົບ — ຮ້ານເປັນຜູ້ຄວບຄຸມຂໍ້ມູນ. Happy ERP ເປັນຜູ້ປະມວນຜົນແທນຮ້ານ (ເກັບຮັກສາ ແລະ ປະມວນຜົນຕາມຄຳສັ່ງຂອງຮ້ານເທົ່ານັ້ນ). ຖ້າທ່ານເປັນລູກຄ້າຂອງຮ້ານ ແລະ ຢາກລຶບຂໍ້ມູນ ໃຫ້ຕິດຕໍ່ຮ້ານທີ່ທ່ານຊື້ກ່ອນ ຫຼື ຕິດຕໍ່ພວກເຮົາ (ເບິ່ງ ຂໍ້ 8).
1ຂໍ້ມູນທີ່ເກັບ
ກ. ຈາກຮ້ານທີ່ສະໝັກໃຊ້
- ອີເມວ · ຊື່ຜູ້ໃຊ້ · ລະຫັດຜ່ານທີ່ເຂົ້າລະຫັດແລ້ວ (bcrypt — ພວກເຮົາເບິ່ງລະຫັດຈິງບໍ່ໄດ້)
- ຊື່ຮ້ານ · ເບີໂທຮ້ານ · ບັນຊີທະນາຄານທີ່ຮ້ານໃສ່ເອງ (ໃຊ້ພິມໃສ່ QR/ອໍເດີ)
- ສິນຄ້າ · ລາຄາ · ຕົ້ນທຶນ · ສະຕັອກ · ຄ່າໃຊ້ຈ່າຍ · ລາຍງານ
ຂ. ຂໍ້ມູນລູກຄ້າຂອງຮ້ານ (ຮ້ານເປັນຜູ້ໃສ່ ຫຼື ລູກຄ້າໃສ່ເອງຕອນສັ່ງ)
- ຊື່ · ເບີໂທ · ທີ່ຢູ່ສົ່ງເຄື່ອງ (ບ້ານ/ເມືອງ/ແຂວງ) · ໝາຍເຫດ
- ລາຍການສັ່ງຊື້ · ຍອດເງິນ · ວິທີຈ່າຍ · ສະຖານະການສົ່ງ
- ຮູບສະລິບການໂອນ ທີ່ລູກຄ້າແປະເຂົ້າມາ
- ຄະແນນດາວ ແລະ ຄຳຕິຊົມ · ແຕ້ມສະສົມ
- ຂໍ້ຄວາມແຊັດ (ຈາກ Facebook Messenger · ຄອມເມັນໃຕ້ໂພສ · ແຊັດໃນໜ້າຮ້ານເວັບ)
- ບັນທຶກ ແລະ ປ້າຍທີ່ຮ້ານໝາຍໄວ້ກ່ຽວກັບລູກຄ້າ — ໝາຍເຫດທີ່ຮ້ານພິມເອງ · ປ້າຍ “ບັນຊີດຳ” · ແລະ ຄະແນນຄວາມສ່ຽງ ທີ່ລະບົບຄິດຈາກປະຫວັດການສັ່ງ/ຮັບເຄື່ອງ (ໃຊ້ພາຍໃນຮ້ານນັ້ນເທົ່ານັ້ນ · ບໍ່ໄດ້ແບ່ງໃຫ້ຮ້ານອື່ນ · ບໍ່ໄດ້ຕັດສິນແທນຮ້ານ)
- ກະຕ່າສິນຄ້າທີ່ຍັງບໍ່ທັນສັ່ງໃນໜ້າຮ້ານເວັບ (ໃຊ້ເຕືອນຄືນ — ເບິ່ງຂໍ້ 2)
- ນາຍໜ້າ/ຜູ້ແນະນຳທີ່ຮ້ານເພີ່ມເອງ: ຊື່ · ເບີໂທ · ລະຫັດນາຍໜ້າ
- ການສະໝັກຮັບແຈ້ງເຕືອນ (Web Push) — ເກັບສະເພາະລະຫັດອຸປະກອນ ບໍ່ໃຊ້ຕິດຕາມຕົວ
ຄ. ຈາກ Facebook (ສະເພາະຮ້ານທີ່ກົດເຊື່ອມເອງ)
- ລາຍຊື່ເພຈທີ່ທ່ານດູແລ · ຊື່ ແລະ ລະຫັດເພຈ
- ໂຕເຄັນເຂົ້າເຖິງເພຈ (ເກັບຢູ່ເຊີບເວີ ບໍ່ເຄີຍສົ່ງອອກໜ້າຈໍ)
- ຂໍ້ຄວາມ ແລະ ຄອມເມັນ ທີ່ລູກຄ້າສົ່ງເຖິງເພຈຂອງທ່ານ
- ຮູບໂປຣໄຟລ໌ຂອງລູກຄ້າທີ່ຕິດມາກັບຂໍ້ຄວາມ (ສຳເນົາເກັບໃນເຊີບເວີ ເພື່ອສະແດງໃນລາຍການແຊັດຂອງຮ້ານນັ້ນເທົ່ານັ້ນ · ລຶບເມື່ອຮ້ານລືມລູກຄ້າ ຫຼື ມີຄຳຂໍລຶບຂໍ້ມູນ)
ພວກເຮົາບໍ່ໄດ້ເກັບ: ລາຍຊື່ໝູ່ · ໂພສສ່ວນຕົວ · ຂໍ້ມູນໂປຣໄຟລ໌ນອກຈາກຊື່ ແລະ ຮູບໂປຣໄຟລ໌ທີ່ຕິດມາກັບຂໍ້ຄວາມ.
2ໃຊ້ຂໍ້ມູນເຮັດຫຍັງ
- ໃຫ້ບໍລິການຫຼັກ: ຮັບອໍເດີ · ຕັດສະຕັອກ · ພິມໃບສົ່ງ · ຕິດຕາມພັດສະດຸ · ລາຍງານ
- ຕອບແຊັດລູກຄ້າ ແລະ ແຈ້ງສະຖານະອໍເດີ (ຜ່ານ Messenger · ແຊັດເວັບ · Web Push)
- ກວດສະລິບການໂອນວ່າມີການໂອນຈິງບໍ (ກັນສະລິບປອມ)
- ຄິດຄ່າຄອມພະນັກງານ · ຄ່ານາຍໜ້າ · ແຕ້ມສະສົມ
- ເຕືອນກະຕ່າທີ່ຍັງຄ້າງ — ຂໍ້ຄວາມອັດຕະໂນມັດ 1 ຄັ້ງ ປະມານ 30 ນາທີຫຼັງຢຸດສັ່ງ ສະເພາະໃນແຊັດໜ້າຮ້ານເວັບ (ບໍ່ໄດ້ສົ່ງທາງ Messenger)
- ຊ່ວຍຮ້ານກັນອໍເດີປອມ/ຕີກັບ ດ້ວຍຄະແນນຄວາມສ່ຽງ ແລະ ປ້າຍທີ່ຮ້ານໝາຍໄວ້ເອງ
- ຮັກສາຄວາມປອດໄພ (ບັນທຶກການເຂົ້າໃຊ້ · ຈຳກັດການຍິງຄຳຮ້ອງຖີ່ເກີນ)
ພວກເຮົາບໍ່ຂາຍຂໍ້ມູນຂອງທ່ານ ແລະ ບໍ່ໄດ້ເອົາຂໍ້ມູນຂອງຮ້ານໜຶ່ງໄປໃຫ້ຮ້ານອື່ນເຫັນ.
3AI ຊ່ວຍຕອບແຊັດ
ເມື່ອຮ້ານເປີດຟີເຈີ “Happy AI ຕອບເອງ” ຂໍ້ຄວາມແຊັດຫຼ້າສຸດ ພ້ອມກັບຂໍ້ມູນສິນຄ້າ/ລາຄາ/ສະຕັອກ ຈະຖືກສົ່ງໄປໃຫ້ບໍລິການ AI (Claude ຂອງ Anthropic) ເພື່ອຮ່າງຄຳຕອບ. ຖ້າຜູ້ຖາມມີອໍເດີຢູ່ແລ້ວ ຈະສົ່ງ ອໍເດີຂອງຜູ້ຖາມເອງ ໄປນຳ (ເລກອໍເດີ · ສະຖານະ · ຍອດ · ເລກພັດສະດຸ) ເພື່ອຕອບຄຳຖາມແບບ “ເຄື່ອງຮອດໃສແລ້ວ”. ບໍ່ໄດ້ສົ່ງ: ຕົ້ນທຶນສິນຄ້າ · ອໍເດີຂອງລູກຄ້າຄົນອື່ນ · ຂໍ້ມູນບັນຊີທະນາຄານ. ຖ້າຮ້ານປິດຟີເຈີນີ້ ຈະບໍ່ມີຂໍ້ຄວາມໃດຖືກສົ່ງອອກໄປ.
4ບຸກຄົນທີສາມທີ່ຂໍ້ມູນຜ່ານ
| ໃຜ | ຂໍ້ມູນຫຍັງ | ເປັນຫຍັງ |
|---|---|---|
| Meta (Facebook) | ຂໍ້ຄວາມທີ່ຕອບກັບ · ເຫດການ Purchase (ຖ້າຮ້ານເປີດ CAPI) | ສົ່ງຄຳຕອບຫາລູກຄ້າ · ວັດຜົນໂຄສະນາ |
| Zernio (zernio.com) — ສະເພາະຮ້ານທີ່ເລືອກ «ທໍ່ສຳຮອງ» ເອງ | ຂໍ້ຄວາມ ແລະ ຄອມເມັນຂອງເພຈ ຜ່ານໄປ-ມາ (ບໍ່ເກັບຖາວອນຢູ່ Zernio ນອກຈາກບັນທຶກສົ່ງ) | ຮັບ/ສົ່ງຂໍ້ຄວາມກັບລູກຄ້າ ຂະນະທີ່ Meta ຍັງບໍ່ອະນຸມັດແອັບຂອງ Happy |
| Anthropic (Claude) | ຂໍ້ຄວາມແຊັດ + ຂໍ້ມູນສິນຄ້າ (ສະເພາະຕອນເປີດ AI) | ຮ່າງຄຳຕອບໃຫ້ຮ້ານ |
| ທະນາຄານ (BCEL OneProof) | ລະຫັດ QR ໃນສະລິບ | ກວດວ່າມີການໂອນຈິງ |
| Telegram | ສະຫຼຸບອໍເດີ/ແຈ້ງເຕືອນ ໄປຫາຫ້ອງທີ່ຮ້ານຕັ້ງເອງ | ແຈ້ງເຈົ້າຂອງຮ້ານ |
| ລະບົບອື່ນທີ່ຮ້ານເຊື່ອມເອງ (API v1 · webhook ອອກ) |
ອໍເດີ ພ້ອມ ຊື່ ແລະ ເບີໂທລູກຄ້າ | ຮ້ານດຶງໄປລົງບັນຊີ/ຂົນສົ່ງເອງ — ສົ່ງໄປສະເພາະທີ່ຢູ່ທີ່ຮ້ານຕັ້ງເອງ ແລະ ຮ້ານປິດໄດ້ທຸກເມື່ອ |
| Google Drive | ສຳເນົາສຳຮອງ ທີ່ເຂົ້າລະຫັດແລ້ວ | ກັນຂໍ້ມູນຫາຍ |
ນອກນີ້ ພວກເຮົາຈະເປີດເຜີຍຂໍ້ມູນສະເພາະເມື່ອກົດໝາຍບັງຄັບເທົ່ານັ້ນ.
5ເກັບໄວ້ດົນປານໃດ
- ຂໍ້ມູນຮ້ານ ແລະ ອໍເດີ — ເກັບໄວ້ຕາບໃດທີ່ບັນຊີຍັງເປີດຢູ່ (ຮ້ານຕ້ອງໃຊ້ເບິ່ງບັນຊີ/ອາກອນຍ້ອນຫຼັງ)
- ສຳເນົາສຳຮອງ — ເກັບ 14–30 ມື້ ແລ້ວລຶບອັດຕະໂນມັດ
- ບັນທຶກຄວາມປອດໄພ (audit) — 365 ມື້ ແລ້ວລຶບອັດຕະໂນມັດ
- ຂໍ້ຄວາມ Facebook ໃນຄິວຂອງເຊີບເວີ — ລຶບຫຼັງ 30 ມື້ ນັບແຕ່ແອັບຮັບໄປແລ້ວ (ສຳເນົາທີ່ຮ້ານເຫັນໃນກ່ອງແຊັດ ຢູ່ກັບຮ້ານຈົນຮ້ານລຶບເອງ ຫຼື ປິດບັນຊີ)
- ຮູບໂປຣໄຟລ໌ລູກຄ້າ — ລຶບເມື່ອຮ້ານລືມລູກຄ້າ/ມີຄຳຂໍລຶບ · ລູກຄ້າບໍ່ທັກ 180 ມື້ ລຶບອັດຕະໂນມັດ
- ບັນທຶກການສົ່ງເຫດການໄປ Meta (CAPI) — 90 ມື້
- ປິດບັນຊີ → ລຶບຂໍ້ມູນພາຍໃນ 30 ມື້ (ຍົກເວັ້ນທີ່ກົດໝາຍບັງຄັບໃຫ້ເກັບ)
6ຄວາມປອດໄພ
- ເຂົ້າລະຫັດເສັ້ນທາງດ້ວຍ HTTPS ທັງໝົດ · ລະຫັດຜ່ານເກັບແບບ bcrypt
- ລິ້ງຕິດຕາມ/ນາຍໜ້າ ໃຊ້ລາຍເຊັນດິຈິຕອລ — ຄາດເດົາບໍ່ໄດ້ ແລະ ເປີດເຫັນສະເພາະຂອງຕົນເອງ
- ສຳເນົາສຳຮອງເຂົ້າລະຫັດກ່ອນອອກຈາກເຄື່ອງ
- ເຫດການຈາກ Facebook ກວດລາຍເຊັນທຸກຄັ້ງ (ບໍ່ມີລາຍເຊັນ = ປະຕິເສດ)
ບໍ່ມີລະບົບໃດປອດໄພ 100% — ຖ້າເກີດການຮົ່ວໄຫຼທີ່ກະທົບທ່ານ ພວກເຮົາຈະແຈ້ງໃຫ້ຮູ້ໄວທີ່ສຸດ.
7ຄຸກກີ ແລະ ຂໍ້ມູນໃນເຄື່ອງ
ໃຊ້ cookie ຂອງເຊດຊັນ (ເຂົ້າສູ່ລະບົບ) ແລະ localStorage (ເກັບສຳເນົາຂໍ້ມູນຮ້ານໄວ້ໃນເຄື່ອງ ໃຫ້ເປີດໜ້າໄວ — ບັນທຶກຍັງຕ້ອງມີເນັດ · ຈື່ຊື່/ທີ່ຢູ່ລູກຄ້າໃນເຄື່ອງຂອງລູກຄ້າເອງ). ບໍ່ມີຄຸກກີໂຄສະນາ ແລະ ບໍ່ມີຕົວຕິດຕາມຂອງບຸກຄົນທີສາມ.
8ຂໍລຶບ ຫຼື ຂໍສຳເນົາຂໍ້ມູນ
- ຮ້ານທີ່ໃຊ້ລະບົບ: ຢູ່ໃນແອັບ → ຕັ້ງຄ່າ → ແຖບ ທີມ & ບັນຊີ → ບັນຊີ → ຂໍປິດບັນຊີ ຫຼື ສົ່ງອີເມວມາຫາທີ່ຢູ່ຂ້າງລຸ່ມ ດ້ວຍອີເມວທີ່ໃຊ້ສະໝັກ
- ລູກຄ້າຂອງຮ້ານ: ຕິດຕໍ່ຮ້ານທີ່ທ່ານຊື້ໂດຍກົງ (ຮ້ານເປັນເຈົ້າຂອງຂໍ້ມູນ) ຫຼື ສົ່ງອີເມວມາຫາພວກເຮົາພ້ອມຊື່ຮ້ານ ແລະ ເບີໂທທີ່ໃຊ້ສັ່ງຊື້
- ຖອນການເຊື່ອມ Facebook: ໃນແອັບ → ຕັ້ງຄ່າ → ແຖບ ເຊື່ອມຕໍ່ → ການເຊື່ອມຕໍ່ → ຕັດການເຊື່ອມ ·
ຫຼື ຖອນສິດຢູ່
facebook.com/settings?tab=business_tools— ໂຕເຄັນຈະຖືກລຶບ ແລະ ຂໍ້ຄວາມຈະບໍ່ໄຫຼເຂົ້າອີກ
ຕິດຕໍ່ໄດ້ທັງອີເມວ ຫຼື ໂທ/WhatsApp +856 20 5226 6557 (ເບິ່ງ ຂໍ້ 11). ພວກເຮົາຈະດຳເນີນການພາຍໃນ 30 ມື້ ແລະ ຕອບຢືນຢັນກັບຄືນ. ທ່ານຍັງມີສິດຂໍສຳເນົາ ຂໍ້ມູນຂອງທ່ານໄດ້ (ຮ້ານສົ່ງອອກເປັນໄຟລ໌ໄດ້ເອງໃນແອັບ).
9ເດັກ
ບໍລິການນີ້ສຳລັບການຄ້າ — ບໍ່ໄດ້ອອກແບບໃຫ້ຜູ້ມີອາຍຸຕ່ຳກວ່າ 18 ປີ ແລະ ພວກເຮົາບໍ່ໄດ້ຕັ້ງໃຈເກັບຂໍ້ມູນເດັກ.
10ການປ່ຽນແປງ
ຖ້າມີການປ່ຽນທີ່ສຳຄັນ ຈະແຈ້ງໃນແອັບ ຫຼື ທາງອີເມວ ຢ່າງໜ້ອຍ 7 ມື້ ກ່ອນມີຜົນ ແລະ ຈະປ່ຽນວັນທີຢູ່ຫົວໜ້ານີ້.
11ຕິດຕໍ່
ອີເມວ: support@happyerp.la
ໂທ/WhatsApp: +856 20 5226 6557
ເວັບ: happyerp.la